Category Archives: Tarksheel Activites

ਭੂਤ ਕੱਢਣ ਦੇ ਨਾਂਅ ‘ਤੇ ‘ਸੰਤ ਬਾਬੇ’ ਵੱਲੋਂ ਵਿਦੇਸ਼ੋਂ ਆਈ ਬੀਬੀ ਨਾਲ ਬਲਾਤਕਾਰ

ਤਲਵੰਡੀ ਸਾਬੋ, (ਜਗਦੀਪ ਗਿੱਲ) ਬਾਬਾ ਗੁਰਜੰਟ ਸਿੰਘ ਨਾਂਅ ਦਾ ਇੱਕ ਉਹ ਅਖੌਤੀ ਬੰਤ ਦੁੱਧੌਂ ਚਿੱਟੇ ਬਸਤਰ ਅਤੇ ਗੋਲ ਪਗੜੀ ਪਹਿਨਦਿdhongi-babaਆਂ, ਜੋ ਕੁਝ ਸਮਾਂ ਪਹਿਲਾਂ ਤੱਕ ਤਲਵੰਡੀ ਸਾਬੋ ਦਾ ਬੁੰਗਾ ਮਸਤੂਆਣ ਵਰਗੀ ਦਿਉ-ਕੱਦ ਧਾਰਮਿਕ ਸੰਸਥਾ ਦਾ ਨਾ ਸਿਰਫ ਪ੍ਰਸਿੱਧ ਕਥਾ ਵਾਚਕ ਹੋਇਆ ਕਰਦਾ ਸੀ, ਸਗੋ ‘ਭੂਤ ਵਿੱਦਿਆ’ ਦੇ ਮਾਹਿਰ ਵਜੋਂ ਲੋਕਾਂ ਅਤੇ ਰੁੱ ਵਿਚਕਾਰ ਵਿਚੋਲੇ ਹੋਣ ਦਾ ਪ੍ਰਭਾਵ ਵੀ ਦੇ ਰਿਹਾ ਸੀ। ਇੱਕ ਐਨ ਆਰ ਆਈ ਬੀਬੀ ਨਾਲ ਬਲਾਤਕਾਰ ਵਰਗੀ ਕਰਤੂਤ ਕਰਦਿਆਂ ਕਾਨੂੰਨ ਦੇ ਕਾਬੂ ਆ ਗਿਆ।
ਕਈ ਦਿਨਾਂ ਦੇ ਜੱਕੋ-ਤੱਕਿਆ ਪਿੱਛੋਂ ਸੋਸ਼ਲ ਮੀਡੀਏ ਉੱਪਰ ਪਈ ਇੱਕ ਵੀਡੀਓ ਦੇ ਧੂੰਆਂ-ਧਾਰ ਪ੍ਰਚਾਰ ਦੇ ਚਲਦਿਆਂ ਥਾਣਾ ਅਹਿਮਦਗੜ੍ਹ ਜ਼ਿਲ੍ਹਾ ਸੰਗਰੂਰ ਦੀ ਪੁਲਸ ਨੇ ਨਾ ਸਿਰਫ ਉਕਤ ਕਥਾ ਵਾਚਕ+ਗ੍ਰੰਥੀ+ਔਲੀਏ ਦੇ ਖਿਲਾਫ ਮੁਕੱਦਮਾ ਨੰਬਰ 47 ਦਰਜ ਕਰ ਲਿਆ ਹੈ, ਸਗੋਂ ਭਾਰਤੀ ਦੰਡਾਵਲੀ ਦੀਆਂ ਧਾਰਾਵਾਂ 376,2342 ਅਤੇ 506 ਦੇ ਤਹਿਤ ਮੁਕੱਦਮਾ ਦਰਜ ਕਰਦਿਆਂ ਅਹਿਮਦਗੜ੍ਹ ਦੇੇ ਸਿਵਲ ਹਸਪਤਾਲ ਤੋਂ ਪੀੜਤ ਬੀਬੀ ਦਾ ਮੈਡੀਕਲ ਕਰਵਾ ਲਏ ਜਾਣ ਦੀ ਵੀ ਖ਼ਬਰ ਲਾ ਰਹੀ ਹੈ।
ਇੱਥੇ ਇਸ ਗੱਲ ਦਾ ਜ਼ਿਕਰ ਕਰਨਾ ਕੁਥਾਂ ਨਹੀਂ ਹੋਵੇਗਾ ਕਿ ਕਈ ਵਰ੍ਹੇ ਪਹਿਲਾਂ ਤੱਕ ਬੁੰਗਾ ਮਸਤੂਆਣਾ ਤਲਵੰਡੀ ਸਾਬੋ ਵਿਖੇ ਧਰਮ ਪ੍ਰਚਾਰ ਦੇ ਪਰਦੇ ਹੇਠ ਭੂਤ ਵਿੱਦਿਆ ਵਿੱਚ ਪਜਪੋਕਤਾ ਹਾਸਲ ਕਰਦਿਆ ਜਦੋਂ ਉਕਤ ‘ਸੰਤ’ ਆਪਣੇ ‘ਪਵਿੱਤਰ ਪੇਸ਼ੇ’ ਵਿੱਚ ਪੂਰਨ ਨਿਪੰਨ ਸਮਝਿਆ ਜਾਣ ਲੱਗਾ ਤਾਂ ਉਸ ਨੂੰ ਪਿੰਡ ਬਾਲੋਵਾਲ ਜਿਲ੍ਹਾ ਸੰਗਰੂਰ ਦੇ ਇੱਕ ਗੁਰੂ ਘਰ ਵਿੱਚ ਮਹੰਤੀ ਦੀ ਕਲਗੀ ਲੱਗਾ ਕੇ ਬੈਠਾ ਦਾ ਮੌਕਾ ਮਿਲ ਗਿਆ
ਬੱਸ ਫਿਰ ਕੀ ਸੀ, ਬੁੰਗਾ ਮਸਤੂਆਣਾ ਵਿਖੇ ਭੂਤਾ-ਪ੍ਰੇਤਾਂ ਤੋਂ ਪੀੜਤ ਲੋਕਾਂ ਦਾ ਇਲਾਜ ਅਤੇ ਲਾਈਲੱਗ ਔਰਤਾਂ ਨੂੰ ‘ਮੁੰਡੇ ਦੇਣ’ ਦਾ ਜਿਹੜਾ ਕੰਮ ਉਹ ਧਰਮ ਪ੍ਚਾਰ ਦੇ ਪਰਦੇ ਹੇਠ ਕਰਿਆ ਕਰਦਾ ਸੀ, ਉਥੇ ਬਾਲੋਵਾਲ ਸਥਾਪਤ ਹੁੰਦਿਆਂ ਹੀ ਉਸ ਦੇ ਕੋਲ ਹਰ ਕਿਸਮ ਦੇ ਮਾਨਸਿਕ ਰੋਗਾਂ ਤੋਂ ਪੀੜਤ ਲਤੇ ਲਾਈਲੱਗ ਲੋਕਾਂ ਦੀਆਂ ਲਾਈਨਾਂ ਲੱਗਣਗੀਆਂ ਸ਼ੁਰੂ ਹੋ ਗਈਆਂ।
ਕੁਝ ਸਾਲ ਪਹਿਲਾਂ ਅਖਬਾਰਾਂ ਵਿੱਚ ਵੱਡੀ ਪੱਧਰ ‘ਤੇ ਪ੍ਕਾਸ਼ਤ ਹੋ ਚੁੱਕੀਆਂ ਖ਼ਬਰਾਂ ਅਨੁਸਾਰ ਇਹ ਓਹੀ ‘ਸੰਤ ਬਾਬਾ’ ਹੈ, ਜਿਸ ਨੇ ਆਪਣਾ ਕਥਿਤ ਲੁੱਟ ਵਾਲਾ ਇਹ ਕਾਰੋਬਾਰ ਚਮਕਾਉਣ ਲਈ ਹੀ ਉਦੋਂ ਆਪਣੇ ਗੰਨੇ ਦੇ ਖੇਤ ਨੂੰ ਗੁਰਬਾਣੀ ਦਾ ਰਸਭਿੰਨਾਂ ਕੀਰਤਨ ਸੁਣਾ ਕੇ ਅਸਲੋਂ ਪਵਿੱਤਰ ਕਰਨ ਦਾ ਨਾ ਸਿਰਫ਼ ਨਾਟਕ ਰਚਿਆ ਸੀ, ਸਗੋਂ ਏਦਾਂ ਦੀ ਬੇਹੂਦਾ ਸਰਗਰਮੀ ਰਾਹੀਂ ਲੋਕਾਂ ਦੀ ਮਾਨਸਿਕ ਲਾਈਲੱਗਤਾ ਨੂੰ ਕੈਸ ਕਰਵਾਉਣ ਦਾ ਯਤਨ ਕੀਤਾ ਸੀ।
ਵਤਨਾਂ ਦਾ ਗੇੜਾ ਮਾਰਨ ਆਈ ਵਿਦੇਸ਼ ਵਸਦੀ ਉਕਤ ਪੀੜਤ ਬੀਬੀ ਨਾ ਸਿਰਫ਼ ਉਕਤ ਸੰਤ ਉੱਪਰ ਉਸ ਨਾਲ ਬਲਾਤਕਾਰ ਕਰਨ ਦਾ ਦੋਸ਼ ਲਾ ਰਹੀ ਹੈ, ਉਸਦਾ ਇਹ ਵੀ ਕਹਿਣਾ ਹੈ ਕਿ ਉਸ ਦੀ ਮਾਨਸਿਕ ਪ੍ਰੇਸ਼ਾਨੀ ਦੂਰ ਕਰਨ ਦੇ ਨਾਂਅ ਉੱਪਰ ਉਕਤ ਬਾਬਾ ਉਸ ਨਾਲ ਇਹ ਕਹਿ ਕੇ ਬਲਾਤਕਾਰ ਕਰਦਾ ਰਿਹਾ ਕਿ ਇਹ ਬਲਾਤਕਾਰ ਉਸ ਨਾਲ ਨਹੀਂ , ਸਗੋਂ ਉਸ ਵਿਚਲੀਆਂ ਉਨ੍ਹਾਂ ਰੂਹਾਂ ਨਾਲ ਕੀਤਾ ਜਾ ਰਿਹਾ ਹੈ, ਜੋ ਉਸਨੂੰ ਪਿਛਲੇ ਸਮੇਂ ਤੋਂ ਚਿੰਬੜੀਆਂ ਹੋਈਆਂ ਹਨ।
ਕਹਾਣੀਆਂ ਇੱਥੇ ਵੀ ਮੁੱਕ ਜਾਂਦੀਆਂ ਤਾਂ ਗੱਲ ਹੋਰ ਹੋਣੀ ਸੀ, ਪਰ ਮੁੱਕੀਆਂ ਨਹੀਂ, ਉੱਪਰ ਦਿੱਤੇ ਹੋਰ ਨਾ ‘ਸੁਥਰੇ’ ਕੰਮਾਂ ਦੇ ਨਾਲ-ਨਾਲ ਪਤਾ ਲੱਗਾ ਹੈ ਕਿ ‘ਬਾਬਾ’ ਜੀ ਦੀ ਰਿਹਾਇਸ਼ ਭਾਵੇਂ ਉਕਤ ਬਾਲੋਵਲਾਲ ਪਿੰਡ ਵਿਖੇ ਦੱਸੀ ਜਾ ਰਹੀ ਹੈ, ਪਰ ਤਲਵੰਡੀ ਸਾਬੋ ਸਮੇਤ ਕਈ ਟਿਕਾਣੇ ਹੋਰ ਵੀ ਨੇ, ਜਿੱਥੇ ਨਾ ਸਿਰਫ ਮਾਨਸਿਕ ਰੋਗੀਆਂ ਵਿੱਚੋਂ ਰੱਬੀ ਸ਼ਕਤੀ ਨੂੰ ਇਸਤੇਮਾਲ ਕਰਦਿਆਂ ਭੂਤਾਂ ਨੂੰ ਭਜਾਉਣ ਦਾ ਕੰਮ ਕੀਤਾ ਜਾਂਦਾ ਰਿਹਾ ਹੈ, ਸਗੋਂ ਕਈ ਕਿਸਮਾਂ ਦੇ ਕਾਸ਼ਿਤ ਅਣ-ਅਧਿਕਾਰਤ ਧੰਦੇ ਉੱਥੇ ਹੋਣ ਦੀਆਂ ਕੈਨਸੋਆਂ ਦੇ ਚਰਚੇ ਬੱਚੇ-ਬੱਚੇ ਦੀ ਜ਼ੁਬਾਨ ਉੱਪਰ ਘੁੰਮੀ ਜਾ ਰਹੇ ਹਨ।
ਇਸ ਸਮੁੱਚੇ ਘਟਨਾ ਚੱਕਰ ਦੇ ਸੰਬੰਧ ਵਿੱਚ ਪੱਖ ਜਾਨਣ ਲਈ ਜਦੋਂ ਬੁੰਗਾ ਮਸਤੂਆਣਾ ਤਲਵੰਡੀ ਸਾਬੋ ਦੇ ਮੁਖੀ ਸੰਤ ਬਾਬਾ ਛੋਟਾ ਸਿੰਘ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਸਮੇਤ ਵੱਡੇ ਬਾਬਿਆਂ (ਸੰਤ ਮਿੱਠਾ ਸਿੰਘ) ਨੇ ਵੀ ਕਈ ਵਾਰ ਵਰਜਿਆ ਸੀ, ਪਰ ਉਹ ਨਾ ਹਟਿਆ। ਹੋਰ ਵਿਸਥਾਂਰ ਜਾਨਣ ‘ਤੇ ਸੰਤ ਛੋਟਾ ਸਿੰਘ ਨੇ ਕਿਹਾ ਕਿ ਜੋ ਕਰੇਗਾ, ਸੋ ਭਰੇਗਾ। ਉੱਪਰ ਮੁਕੱਦਮਾ ਦਰਜ ਹੋਣ ਪਿੱਛੌਂ ਪਤਾ ਲੱਗੇ ਕਿ ਪੁਲਸ ਸੰਤਾਂ ਦੇ ਟਿਕਾਣਿਆਂ ‘ਤੇ ਛਾਪੇ ਮਾਰ ਰਹੀ ਹੈ । ਜਦੋਂ ਕਿ ਹਾਲ ਦੀ ਘੜੀ ‘ਸੰਤ ਬਾਬੇ’ ਹਰਨ ਸਿਉ ਹੋ ਗਏ ਦੱਸੇ ਜਾ ਰਹੇ ਹਨ।

ਲੋਕਾਂ ਨੂੰ ਅੰਧਵਿਸ਼ਵਾਸਾਂ ਵਿੱਚੋਂ ਨਿਕਲਣ ਦਾ ਸੱਦਾ ਦੇ ਗਿਆ ਤਰਕਸ਼ੀਲ ਮੇਲਾ

ਨਜ਼ਦੀਕੀ ਪਿੰਡ ਕਰਮਗੜ ਵਿੱਚ ਤਰਕਸ਼ੀਲ ਮੇਲੇ ਦਾ ਆਯੋਜਨ
ਬਰਨਾਲਾ, 28 ਜਨਵਰੀ
ਲੋਕਾਂ ਨੂੰ ਅੰਧ ਵਿਸ਼ਵਾਸ਼ਾਂ ਖਿਲਾਫ਼ ਹੋਕਾ ਦੇਣ ਲਈ ਇੱਕ ਤਰਕਸ਼ੀਲ ਮੇਲੇ ਦਾ ਆਯੋਜਨ ਬੀਤੀ ਰਾਤ ਨਜਦੀਕੀ ਪਿੰਡ ਕਰਮਗੜ ਵਿਖੇ ਕੀਤਾ ਗਿਆ, ਤਰਕਸ਼ੀਲ ਸੁਸਾਇਟੀ ਵੱਲੋਂ ਨੌਜਵਾਨ ਭਾਰਤ ਸਭਾ ਪੰਜਾਬ ਦੇ ਸਹਿਯੋਗ ਨਾਲ ਕਰਵਾਏ ਗਏ ਇਸ ਸਮਾਗਮ ਦੀ ਸ਼ੁਰੂਆਤ ਲੋਕ ਗਾਇਕ ਜਗਸੀਰ ਜੀਦਾ ਵੱਲੋਂ ਆਪਣੀਆਂ ਤਰਕਸ਼ੀਲ ਬੋਲੀਆਂ ਅਤੇ ਇਨਕਲਾਬੀ ਗੀਤਾਂ ਨਾਲ ਕੀਤੀ ਗਈ। ਪਿੰਡ ਦੇ ਸਰਪੰਚ ਅਤੇ ਹੋਰ ਪਤਵੰਤਿਆਂ ਵੱਲੋਂ ਸ਼ਰੂਆਤ ਵਿੱਚ ਗ਼ਦਰ ਲਹਿਰ ਦੇ ਸ਼ਹੀਦ ਰਹਿਮਤ ਅਲੀ ਵਜੀਦਕੇ ਦੀ ਫੋਟੋ ਨੂੰ ਫੁੱਲ ਭੇਂਟ ਕੀਤੇ।
ਤਰਕਸ਼ੀਲ ਲਹਿਰ ਦੇ ਬਾਨੀ ਆਗੂ ਮੇਘ ਰਾਜ ਮਿੱਤਰ ਨੇ ਇਸ ਮੌਕੇ ਲਹਿਰ ਦੀ ਸ਼ੁਰੂਆਤ ਦਾ ਜ਼ਿਕਰ ਕਰਦਿਆਂ ਦੱਸਿਆ ਵੱਖ ਵੱਖ ਤਰਾਂ ਦੀਆਂ ਔਕੜਾਂ ਦੇ ਬਾਵਜੂਦ ਤਰਕਸ਼ੀਲ ਇਸ ਗੱਲ ਲਈ ਯਤਨਸ਼ੀਲ ਹਨ ਕਿ ਪੰਜਾਬ ਦੇ ਲੋਕ ਅੰਧਵਿਸ਼ਵਾਸ਼ਾਂ ਦਾ ਸਹਾਰਾ ਛੱਡਣ ਅਤੇ ਜ਼ਿੰਦਗੀ ਜਿਊਣ ਲਈ ਵਿਗਿਆਨਕ ਢੰਗ ਅਪਨਾਉਣ। ਉਨਾਂ ਤਰਕਸ਼ੀਲਾਂ ਵੱਲੋਂ ਭੂਤਾਂ ਪ੍ਰੇਤਾਂ ਦੇ ਹੱਲ ਕੀਤੇ ਕੇਸਾਂ ਦੀਆਂ ਉਦਾਹਰਣਾਂ ਵੀ ਲੋਕਾਂ ਸਾਹਮਣੇ ਪੇਸ਼ ਕੀਤੀਆਂ। ਤਰਕਸ਼ੀਲ ਸੁਸਾਇਟੀ ਭਾਰਤ ਵੱਲੋਂ ਕਿਸੇ ਵੀ ਕਰਾਮਾਤ ਦੇ ਦਾਅਵੇਦਾਰ ਨੂੰ ਇੱਕ ਕਰੋੜ ਦਾ ਇਨਾਮ ਜਿੱਤਣ ਦੀ ਪੇਸ਼ਕਸ਼ ਵੀ ਸਟੇਜ ਤੋਂ ਕੀਤੀ ਗਈ। ਸ੍ਰੀ ਮਿੱਤਰ ਨੇ ਪਿੰਡ ਵਾਸੀਆਂ ਨੂੰ ਤਰਕਸ਼ੀਲ ਸਾਹਿਤ ਨਾਲ ਵੀ ਜੁੜਣ ਦਾ ਸੱਦਾ ਦਿੱਤਾ।
ਚੇਤਨਾ ਕਲਾ ਕੇਂਦਰ ਬਰਨਾਲਾ ਦੀ ਟੀਮ ਵੱਲੋਂ ਹਰਵਿੰਦਰ ਦੀਵਾਨਾ ਦੀ ਨਿਰਦੇਸ਼ਨਾ ਵਿੱਚ ਪ੍ਰਸਿੱਧ ਤਰਕਸ਼ੀਲ ਨਾਟਕ ‘ਦੇਵ ਪੁਰਸ਼ ਹਾਰ ਗਏ…’ ਦਾ ਮੰਚਨ ਕੀਤਾ ਗਿਆ। ਭਾਜੀ ਗੁਰਸ਼ਰਨ ਸਿੰਘ ਦਾ ਲਿਖਿਆ ਇਹ ਨਾਟਕ ਅੰਧਵਿਸ਼ਵਾਸਾਂ ਦੀ ਆੜ ਵਿੱਚ ਸਧਾਰਣ ਲੋਕਾਂ ਦੀ ਹੁੰਦੀ ਲੁੱਟ ਨੂੰ ਪੇਸ਼ ਕਰਦਾ ਸੀ। ਟੀਮ ਵੱਲੋਂ ਇਸ ਮੌਕੇ ਇੱਕ ਕੋਰਿਓਗ੍ਰਾਫੀ ‘ਅੰਨ ਦਾਤਿਆ ਜਾਗ ਵੀ’ ਪੇਸ਼ ਕੀਤੀ ਗਈ। ਟੀਮ ਦੀ ਪੂਰੀ ਪੇਸ਼ਕਾਰੀ ਨੂੰ ਲੋਕਾਂ ਨੇ ਖ਼ੂਬ ਪਸੰਦ ਕੀਤਾ।
ਨੌਜਵਾਨ ਭਾਰਤ ਸਭਾ ਪੰਜਾਬ ਦੇ ਆਗੂ ਨਵਕਿਰਨ ਪੱਤੀ ਨੇ ਗ਼ਦਰੀ ਸ਼ਹੀਦ ਰਹਿਮਤ ਅਲੀ ਵਜੀਦਕੇ ਨੂੰ ਆਪਣੀ ਸ਼ਰਧਾਂਜ਼ਲੀ ਭੇਂਟ ਕਰਦਿਆਂ ਪਿੰਡ ਵਾਸੀਆਂ ਨਵਾਂ ਸਮਾਜ ਸਿਰਜਣ ਲਈ ਅੱਗੇ ਆਉਣ ਦੀ ਅਪੀਲ ਕੀਤੀ, ਉਨਾਂ ਵੋਟ ਵਟੋਰੂ ਪਾਰਟੀਆਂ ਤੇ ਦੋਸ਼ ਲਾਇਆ ਕਿ ਉਹ ਲੋਕਾਂ ਨੂੰ ਬੇਵਕੂਫ ਬਣਾ ਕੇ ਆਪਣਾ ਉੱਲੂ ਸਿੱਧਾ ਕਰਦੀਆਂ ਹਨ। ਅਜ਼ਾਦੀ ਦੇ ਇੰਨੇ ਵਰਿਆਂ ਬਾਅਦ ਵੀ ਲੋਕਾਂ ਦੀ ਜ਼ਿੰਦਗੀ ਵਿੱਚ ਕੋਈ ਬਹੁਤਾ ਸੁਧਾਰ ਨਹੀਂ। ਉਨਾਂ ਕਿਸਾਨਾਂ ਮਜ਼ਦੂਰਾਂ ਨੂੰ ਅਪੀਲ ਕੀਤੀ ਕਿ ਉਹ ਖੁਦਕਸ਼ੀਆਂ ਦਾ ਰਾਹ ਛੱਡਕੇ ਸੰਘਰਸ਼ਸ਼ੀਲ ਜੰਥੇਬੰਦੀਆਂ ਦੇ ਲੜ ਲੱਗਣ।
ਤਰਕਸ਼ੀਲ ਸੁਸਾਇਟੀ ਹਰਿਆਣਾ ਦੇ ਆਗੂ ਰਾਜਾ ਰਾਮ ਹੰਢਿਆਇਆ ਅਤੇ ਫਰਿਆਦ ਸੁਨਿਆਣਾ ਵੱਲੋਂ ਇਸ ਮੌਕੇ ਜਾਦੂ ਦੇ ਟਰਿੱਕ ਪੇਸ਼ ਕੀਤੇ ਗਏ। ਅੱਗ ਤੇ ਤੁਰਨਾ, ਅੱਖਾਂ ਤੇ ਪੱਟੀ ਬੰਨ ਕੇ ਮੋਟਰ ਸਾਇਕਲ ਚਲਾਉਣਾ, ਅੱਗ ਖਾਣੀ ਜਾਂ ਅੱਗ ਨਾਲ ਇਸ਼ਨਾਨ ਕਰਨਾ ਜਿਹੇ ਟਰਿਕਾਂ ਨੂੰ ਲੋਕਾਂ ਨੇ ਖ਼ੂਬ ਪਸੰਦ ਕੀਤਾ। ਉਨਾਂ ਦੱਸਿਆ ਕਿ ਆਮ ਤੌਰ ਦੇ ਪਖੰਡੀ ਸਾਧ ਸੰਤ ਜਾਦੂ ਦਾ ਸਹਾਰਾ ਲੈਕੇ ਆਪਣੇ ਆਪ ਨੂੰ ਕਰਾਮਾਤੀ ਸਿੱਧ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ, ਪਰ ਜਾਦੂ ਸਿਰਫ਼ ਹੱਥ ਦੀ ਸਫ਼ਾਈ ਹੈ। ਹਜ਼ਾਰਾਂ ਗਿਣਤੀ ਵਿੱਚ ਹਾਜ਼ਰ ਔਰਤਾਂ, ਮਰਦਾਂ ਤੇ ਬੱਚਿਆਂ ਨੇ ਪ੍ਰੋਗਰਾਮ ਦਾ ਖ਼ੂਬ ਅਨੰਦ ਮਾਣਿਆਂ। ਆਪਣੇ ਮਿਥੇ ਸਮੇਂ ਤੋਂ ਵੀ 2 ਘੰਟੇ ਲੰਬਾ ਚੱਲਾ ਇਸ ਪ੍ਰੋਗਰਾਮ ਦੀ ਇਲਾਕੇ ਵਿੱਚ ਖ਼ੂਬ ਚਰਚਾ ਹੈ।
ਇਸ ਪ੍ਰੋਗਰਾਮ ਨੂੰ ਸਫ਼ਲ ਬਨਾਉਣ ਵਿੱਚ ਅਹਿਮ ਭੂਮਿਕਾ ਨਭਾਉਣ ਵਾਲੇ ਮਾਸਟਰ ਰਘਵੀਦ ਚੰਦ ਅਤੇ ਪਿੰਡ ਦੇ ਹੋਰਨਾਂ ਪਤਵੰਤਿਆਂ ਦਾ ਇਸ ਮੌਕੇ ਤਰਕਸ਼ੀਲ ਸੁਸਾਇਟੀ ਵੱਲੋਂ ਸਨਮਾਨ ਵੀ ਕੀਤਾ ਗਿਆ।

20160126_190732 20160126_202950 20160126_212915 20160126_212924 20160126_220007 20160126_223116